சிவமுருகுமாலை ஓர் அறிமுகம் Introducton to SivaMuruguMalai

Introduction to SivaMuruguMalai

 God's mercy actions happening at all times. This Sivamurugumalai (religious poetic songs) is one among them.  By God's grace and Guru's grace author Shri S. Kuppuswamy ayya blessed to see these songs in his mind. Author is not thinking ,composing and writing these songs but directly getting it from the  Universal Consciousness. On auspicious days he is getting  each song during  midnight time. Illuminated words  appear in author's mind and he immediately note it down in a notebook.  Author is a sincere devotee of Lord Subramaniya.. Most of these songs are about Lord Subramaniya and Lord Shiva.
These songs are in Tamil language. Author compiled and published these songs. This miracle happening since  22-04-2004 onwards. For more information please see the Author page.


Author

List of Books and Lingatcharamalai
https://sivamurugumalai.blogspot.com/p/i.html

சிவமுருகுமாலை ஓர் அறிமுகம்

திருமுருகப்பெருமானின் அருளாளர் ஆரணிஅடியார்க்கு அடியார்  திரு சா.குப்புசாமி அய்யா அவர்களின் உள்ளத்தில் குருவருளாலும் திருவருளாலும் அருளப்பெற்ற இப்பாடல்கள் இறைவனின் திருவருட்செயலையும் பேரருட்கருணை திறத்தையும் வெளிப்படுத்தும் நிகழ்வாக அமைந்துளன.

இப்பாடல்கள்  ஆசிரியர் இயற்றி எழுதாமல், அவருக்கு  நேரடியாக அருளப்படுகின்றன எனும் இவ்வதிசியத்தை கண்டு இறைவனின் அருளிச்செயலை போற்றுவோமாக.

கிருத்திகை,சஷ்டி, பிரதோஷம் மற்றும் பௌர்ணமி போன்ற  முக்கிய நன்நாட்களில்  நள்ளிரவில், ஒவ்வொரு பாடலும் ஒளிமிகுந்த எழுத்துக்களோடு கூடிய பாடல் வரிகளாய் தோன்றி அருளப்படுகின்றன.

ஆசிரியர் இதனை எழுதி தொகுத்து புத்தகங்களாக வெளியிட்டுள்ளார். இப்பாடல்கள் மிகுதியாக முருகப்பெருமானையும் சிவபெருமானையும் போற்றுகின்றன.

ஆசிரியர் தீவிர முருகபக்தர். திருப்புகழ் தேவாரப் பாடல்களை தினமும் ஓதி வழிபடுபவர்.

ஆசிரியரின் பண்டைய தவப்பயனாலும், அவரது குருவாகிய "திருப்புகழ் செம்மல்"  திரு. தண்டபாணி  சுவாமிகள் அருளாலும் தமிழ் பக்தி இலக்கியத்திற்கு அணி சேர்க்கும் இத்திருவருட்ச்செயல் நிகழ்ந்துகொண்டிருக்கின்றன.

தொன்மையான தமிழ் மொழியின் ஆழ்ந்த  மற்றும் கடினமான இலக்கண மரபுக்குட்பட்டு சந்தம், நடை, தொடை, அணி, சொல்நயம்  மற்றும்  பொருட்செறிவுடன் பாடல்கள் அமைந்துள்ளன

தணிகை முருகன் அருள் மாலை  எனும் புத்தகம் முதலில் வெளிவந்தது.
 


 இலிங்காட்சரமாலை

காணதற்கரிய புதிய இலிங்கபந்த அமைப்பில் அருளப்பட்ட இலிங்காட்சரமாலை பாடல்கள் சித்திரகவி மரபுக்குட்பட்டதாகும்.  
இலிங்காட்சரமாலை செய்யுட்கள்  தல வரலாற்று குறிப்புகளுடன், அத்தலத்து இறைவனை வழிபட்டால் கிடைக்கும் பலன்களை விளிக்கிறது. மேலும்  அத்தலத்து இறைவனின் திருநாமம் இலிங்க வடிவமைப்பின் நடுவே தோன்றும் அருளிச்செயலை  போற்றுவோமாக.


மேற்கண்ட திருத்தருமபுரம் தல பாடலில் யாழை முரித்தது, திருஞானசம்பந்தரின் யாழ்மூரி பதிகம் கொண்டது, மார்கண்டேயன் மற்றும் எமனுக்கு அருளியது என தல குறிப்புகள் காண கிடைக்கின்றன. இத்தலத்து இறைவனை வழிபட்டால் வினையற்றுபோகும் என்பதையும் செய்யுள் குறிப்பிடுகின்றது.
இச்செய்யுட்கள் அனைத்தும் 72 அட்சரங்களுடன் அமைந்துள்ளது.
முக்கியமாக இத்தலத்து இறைவனின் திருநாமம் "யாழ்மூரிநாதர்" இலிங்க வடிவ அமைப்பின் நடுவே மேலிருந்து கீழாக தோன்றி வெளிப்படும் காட்சியை கண்டு மகிழலாம்.


திருஞானசம்பந்தர் அருளிய திருஎழுகூற்றிருக்கை எனும்  சித்திரகவி மிக பிரசித்தமாகும். அருணகிரிநாதரும் திருஎழுகூற்றிருக்கை அமைப்பில் பாடியுள்ளார். பாம்பன் குமரகுருதாச சுவாமிகள் மயூரபந்தம்,இரதபந்தம்,சஸ்திர பந்தம், சதுரங்கபந்தம், துவிநாகபந்தம், கமலபந்தம் என பல அமைப்புகளில் சித்ரகவிகளை பாடியருளியுள்ளார். வண்ணச்சரபம் தண்டபாணி சுவாமிகளும் சித்ரகவிகளை பாடியருளியுள்ளார்.

இறைவனை பாடலின் நிறைபொருளாக கொண்டு அருளியல் நிலையில் அருளப்பெற்ற இப்பக்தி  பனுவல்களை போற்றி பாடி பரவி இறைவனின் அருளை பெறுவோமாக.

ஆசிரியர் பக்கம்

புத்தகங்கள் மற்றும் லிங்காட்சரமாலை வரிசை அட்டவணை


ஆசியுரைகள்




Popular posts from this blog

அருள்மிகு அங்காளம்மன் அந்தாதி Arulmigu Angalamman Anthathi

Image
அருள்மிகு அங்காளம்மன் அந்தாதி     Arulmigu Angalamman Anthathi   [ PDF ] புற்றுக் கோயில் உறையும் அருள்மிகு அங்காளம்மன் அந்தாதி.  விநாயகர் காப்பு.  பூரண கும்பமதில் பொலிவுற்றிடும் பவானியை  நாரணன் சோதரியை நளினமிகு நங்கையை, ஆதி  ஆரண முதல்வன் ஆரணங்கை அங்காளியைப் பாட  வாரண முகத்தனே! வரம் சித்தி ஞானம் அருளுக!   மானே ! மரகதமே ! மாசிலாயென் மாணிக்கமே ! மலர்  தேனே சொரிந்தேன் திகைப்புற்று நின் திருப்பாதங்களில்  யானே பெறுவது யாவும் இனிதே யமைய வருளுக!  வானே புகழ் அங்காளியே வரந்தருங் கற்பகமே! (1)  கற்றைவார் சடையனார் கனியே! கண்மணியே! கதியே!  நற்தவத்தோர் போற்றும் நங்கையே நாடும் பொருளுஞ்  சுற்றமும் நீயே என்றிருந்தேன் சொல்லொணா இடர் வரும்  அற்றைக்கு வந்து அருளுக அங்காளியே என்னுளே ! (2) என்னுளே வாழ் ஈசன் இடபாகத்தவளே ! இமகிரி  மன்னன் பெற்ற மாதுளம் பூவிதழ் முகத்தவளே !  அன்னமே! அங்காளியே ! அலங்கார வல்லியே!.  உன்னையே தொழுதேன் உய்வித்து அருளாய் பொற்பதமே ! (3)    பதமே நாடி தினம் பாங்குடனே சொன்னேன் குறைகளை  இதமாக ஓர் சொல் பகராயோ? எளியேன் முன் இரங்காயோ?  உதய சூரியன் ஒளி பிழம்பாய் ஓங்காரரூபமாய்  அதரமே திறவாய் அங்கா
Read more

செந்திலாதிபன் செண்பகமாலை மூலம் Senthilathiban Shenbaga Malai Moolam

Image
செந்திலாதிபன் செண்பகமாலை                      விநாயகர் காப்பு வேண்டு வரமீயும்  வேலவனின் புகழ் பாடும் நீண்டு நிகரிலா நிதியாஞ் செண்பக மாலையை யாண்டுமிரு வேளையும் இசையால் செப்பிட தூண்டுகை விநாயக! துணைபுரிக  எந்தனுக்கு!             தண்டையணி என்ற திருப்புகழ் பண்டை வினைகள் யாவும் பறந்தோட ஈராறு கண்களும் ஓராறு முகமுங்  கரமதில் வேலுங் தண்டையணி பாதமுங் கொண்டு என்முன் தோன்றிடுக! அண்டர்புகழ் திருச்செந்திலம்பதி வாழ் செண்பகமே!              1          நிலையாப் பொருளை என்ற திருப்புகழ் நிலையாப் பொருளை உடலாக் கொண்டு நாளுமுழன்று தொலையாப் பிணியொடு துவண்டிடுமடியேன் வினையை குலைத்திடுக கூரான வேல் கொண்டு ! எழுகின்ற அலைசூழுந் திருச்செந்திலம்பதி வாழ் செண்பகமே!                                   2       வஞ்சங் கொண்டுந்திடு என்ற திருப்புகழ் வஞ்சங் கொண்டு வெற்பெனெ நின்ற சூரன் தோளையுமவன் நெஞ்சையும் பிளந்து சேவலும் மயிலுமாக்கி நிதம் அஞ்சிய அமரர் தளையும் நீக்கிய நீ  அடியேன் சஞ்சலந் தவிர் திருச்செந்திலம்பதி வாழ் செண்பகமே!                             3
Read more

வள்ளி மணாளன் அட்சரமாலை விரிவுரை ValliManalan Atcharamalai Virivurai

Image
                    உ           எல்லாம் சிவமயம்           வேலும் மயிலும் துணை           திருச்சிற்றம்பலம்     வள்ளி மணாளன் அட்சரமாலை விநாயகர் காப்பு ராகம் : நாட்டை பள்ளியிலுறையும் பிள்ளாய் பணிந்தேனுனையே வலமாய் புள்ளி மயிலேறி புவனமதை நொடியில் வலமாய் வந்த வள்ளி மணாளன் அட்சர மாலையையோதியுய்ந்திடயெமக்கு அள்ளி தாரும் ஞானமும் சொல்லும் நல்லபடியே. பள்ளியில் உறையும் பிள்ளாய் பணிந்தேன் உனையே வலமாய் புள்ளி மயில் ஏறி புவனம் அதை நொடியில் வலமாய் வந்த  வள்ளி மணாளன் அட்சர மாலையை ஓதி உய்ந்திட எமக்கு அள்ளி தாரும் ஞானமும் சொல்லும் நல்ல படியே. ( கருத்துரை) கல்வி அறிவும் வித்தையும் , கலைகளும் போதிக்கும் இடமாகிய பள்ளியில் முதலாவதாக இருக்கும் பிள்ளையாராகிய விநாயகப் பெருமானே! உனைப்பணிந்து வலமாய் வந்தேன். அன்று புள்ளி மயில் ஏறி உலகை ஓர் இமை பொழுதில் வலம் வந்த , வள்ளியின் மணவாளனாகிய முருகப் பெருமானின் தமிழ் எழுத்துக்களைக் கொண்டு தொகுத்த , அட்சரமாலை என்னும் நூலைப் படித்து , பாடி , நற்கதி அடைந்திட எனக்கு ஞானமும் சொற்களும் வாரி வழங்கிட அருளினைத் தருவாய் (என்றவாறு)
Read more